Óskabarn þjóðarinnar um áratugaskeið meðal söngkvenna landsins, Sigga Beinteins, fékk blóðtappa í höfuðið í framhaldi af mikilli streitu og álagi.
Sigga Beinteins lýsir þessu þannig að hún hafi einn morgunin verið óvenju þreytt þegar hún keyrði börnin í leikskólann og fundið fyrir miklu orkuleysi þegar hún kom aftur heim:
“Ég ákvað því að leggjast aftur upp í rúm en var ekki í rónni því vinnan kallaði og mér, fannst ég ekki geta legið fyrir…Líkaminn segir á endanum bara stopp og það er það sem ég held að hafi gerst í mínu tilfelli. Ég ákvað að láta renna í bað og athuga hvort þetta liði ekki hjá en þá hringir síminn og á hinni línunni var systir mín sem er hjúkrunarfræðingur búsett í Noregi. Ég var að tala við hana þegar ég missi stjórn á talmálinu. Ég vissi hvað ég vildi segja – en orðin komu ekki rétt út. Það var eins og ég væri lömuð í munninum…Ég reyni aftur og aftur að tala og ekkert lagast…”.
Sigga Beinteins er í forsíðuviðtali við tímaritið MAN þar sem hún segir þessa sögu og margar aðrar.