Ferðamálaráðherrann með fjölskyldu sinni.
Nýr ráðherra ferðamála, iðnaðar og nýsköpunar leit dagsins ljós í kvöld (ef þannig má að orði komast); Þórdís Kolbrún Reykfjörð Gylfadóttir frá Akranesi. Þórdís Kolbrún var aðstoðarkona Ólafar Nordal innanríkisráðherra og hefur sinnt lagakennslu við Háskólann í Reykjavík.
Þórdís Kolbrún lauk ML prófi frá Háskólanum í Reykjavík 2012. Hún var framkvæmdastjóri þingflokks Sjálfstæðismanna um tíma frá 2013. Hún hefur jafnframt starfað hjá embætti sýslumannsins á Akranesi, Marel og úrskurðarnefnd umhverfis- og auðlindamála.
Þórdís Kolbrún hefur tekið þátt í ýmsum félagsstörfum, m.a. verið formaður félags ungra sjálfstæðismanna á Akranesi og setið í stjórn Sambands ungra sjálfstæðismanna og félags laganema við HR. Hún var kjörin á þing í síðustu kosningum fyrir Sjálfstæðisflokkinn í Norðvesturkjördæmi.
Þórdís Kolbrún er fædd og uppalin á Akranesi. Hún er í sambúð með Hjalta S. Mogensen lögmanni og eiga þau einn son en tengdamóðir hennar er Kristín Mogensen, föðursystir Skúla Mogensen í WOW.
Ráðherrar Bjarna Ben.