Frá fréttaritara í Mosó:
—
Fyrrum forsetahjón, frú Dorrit og herra Ólafur Ragnar, hafa náð að koma sér vel fyrir í Mosfellsbæ.
Hjónin gerðu helgarinnkaupin í rólegheitunum síðasta föstudag í Krónunni í Mosfellsbæ likt og aðrir bæjarbúar og vöktu verðskuldaða athygli annarra viðskiptavina og þá ekki síst innkaupakerra þeirra þar sem heilsuvörur voru í meirihluta. Það er því augljóst að þau hjón hugsa vel um heilsuna.
Dorrit og Ólafur voru áberandi glæsileg til fara og stungu töluvert í stúf við aðra viðskipavini Krónunnar sem voru flestir þreytulegir á föstudegi með grenjandi börn í kerrum og íklæddir hettupeysum – nema Dorrit; hún var í pels.
Nýja heimilið í Mosó.