Gagnrýnt hefur verið að bílum sé illa lagt og tillitsleysi algengt í bílastæðahúsum í Reykjavík. Hermann Guðmundsson framkvæmdastjóri í Kemi segir skýringuna einfalda og vandmálið heimatilbúið:
“Sem bílaáhugamaður get ég sagt að helsta ástæðan fyrir því að bílum er “illa lagt “er sú að stæðin eru máluð of lítil. Það er miðað við minnsta hugsanlega fólksbíl og þar að auki er ekki gert ráð fyrir að hurðir geti opnast alveg upp. Það er því sjaldnast að bílum sé illa lagt heldur eru stæðin í röngum hlutföllum og til þess fallin að framkalla skemmdir á bílum sem oft kann að kosta háar fjárhæðir að laga. Ef stæðin væru í réttri stærð þá væru engin vandamál. Þetta er því heimahannað vesen.”
