“Þetta er hann Gulli yfirkokkur á Grillmarkaðnum. Mér dauðbrá þegar hann kom hingað með 20 manna liði og leit alveg eins út og Kim Jong leiðtogi í Norður-Kóreu. Meira að segja eins klipptur. Það var verið að steggja hann,” segir Maggi kokkur á Texasborgurum sem að sjálfsögðu lét mynda sig með leiðtoganum á Grillmarkaðnum sem reyndar heitir Guðlaugur P. Frímannsson og þykir einn sá besti í bransanum en hann rekur Grillmarkaðinn ásamt Hrefnu Sætran.
Gulli lærði í Sjávarkjallaranum og var valinn matreiðslunemi ársins af Matís 2007. Hann vann á Fiskmarkaðnum og síðan á Texture í London og Kiin Kiin í Köben. Báðir þessir staðir skarta Michelin stjörnu.