Hundur beit barn á Bræðraborgarstíg og móðirin er að vonum slegin. Um er að ræða barn Þóru Sigurðardóttur og eiginmanns hennar, meistarakokksins Völla Snæ.
Þóra greinir þannig frá atburðinum:
“Sonur minn var bitinn í andlitið af hundi á leikvellinum á Bræðraborgarstíg fyrr í dag. Mig langar að gefnu tilefni að hvetja hundaeigendur til að taka ábyrgð og setja sig í samband við foreldra þegar eitthvað svona gerist. Það er ekki í lagi að setja þá ábyrgð yfir á níu ára barn. Viðkomandi huggaði son minn en sá ekki ástæðu til að setja sig í samband við foreldra hans. Viðkomandi var kvenkyns með barn og hundurinn var stór svartur og hvítur. Sennilega á stærð við Border Collie. Sonur minn spurði hvort hann mætti klappa og fékk já. Myndi gjarnan vilja heyra frá viðkomandi.”
Ekki er vitað hvort hundaeigandinn sé búinn að setja sig í samband við Þóru og Völla vegna þessa.