Jóhann Hauksson, fyrrum blaðafulltrúi ríkisstjórnar Jóhönnu Sigurðardóttu eftir hrun og yfirmaður Rásar 2 um árabil, hefur yfirgefið Ísland og komið sér fyrir í Danmörku við þýsku landamærin á Jótlandi.
Líkt og margir Íslendingar á hans aldri sá Jóhann (64) ekki mikla möguleika á íslenskum vinnumarkaði, seldi íbúð sína og eiginkonu sinnar í Hlíðahverfinu á uppsprengdu verði og keypti 240 fermetra einýlishús með bílskúr við þýsku landamærin í Jótlandi á 8,5 milljónir – og þá var gengi dönsku krónunnar 15.
Jóhann er mjög ánægður með þessar félagslegu breytingar á högum sínum og sinna og segir:
“Ég hef greitt mínar skuldir og get sagt íslenska fjármálakerfinu 2008 sem kom mér í veruleg vandræði að hoppa…þangað sem það vill.”
Jóhann Hauksson og eiginkona hans sjá fram á góðar stundir og líf á Jótlandi sem þeim bauðst ekki hér í samfélagi sem límt er saman á lyginni, verðtryggingu, okurvöxtum og lífeyrissjóðakerfi sem er að flippa út á frjálsum markaði auðhyggjunnar.