Niðurstaða nýrrar rannsóknar sýnir að skortur á svefni getur leitt til áhættumeiri ákvarðanna og ganga vísindamenn svo langt að staðhæfa að svefnleysi geti skýrt að hluta efnahagshrunið 2008. Dauðþreyttir fjármálamenn að taka ákvarðanir í skyndi.
Donald Trump forseti Bandaríkjanna hefur stært sig af því að sofa aðeins fjórar klukustundir á nóttu og það sama gerði Margrét Thatcher þegar hún var forsætisráðherra Breta. En það er engum hollt og þá síst þeim sem hafa aðgang að kjarnorkuvopnabúrum heimsins.
Vitað var að svefnleysi gat valdið óþægindum, óánægju og framtaksleysi. En að það gæti valdið hruni fjármálamarkaða var ekki vitað áður.