Læknirinn, Bubbi og tvennskonar reykur.
Þessi frétt birtist hér fyrir nákvæmlega einu ári undir fyrirsögninni: LÆKNIR KVEÐUR BUBBA Í KÚTINN
—
“Það er greinilegt að Bubbi á ekki lengur samleið með ungu fólki og nýjum tímum,” segir Gísli Ingvarsson læknir um gagnrýni Bubba Morthens á rafrettur sem hann hefur flíkað í fréttum. Bubbi segir rafrettur engu betri en sígarettur og tæli ungmenni til framhaldsfíknar í fang fjandans.
Og Gísli læknir bætir við:
“Það er augljóslega nikótín sem er verið að selja en ekki tóbak til brennslu og reykeitrunar. Nikótín án reyks er sennilega býsna hollt sé skammtastærðin rétt og neyslan í hófi. Allt er mögulega skaðlegt í óhófi. Ef einhver getur grætt á því að fá almenning til að hætta að reykja og gleypa gufu í staðinn er það hið besta mál um aldur og ævi,” segir Gísli Ingvarsson læknir.