Breytingar eru að verða hjá einum helsta fjölmiðla landsbyggðarinnar, Bæjarins besta á Ísafirði sem ber ekki að rugla saman við Bæjarins bestu í Reykjavík sem er í annars konar rekstri.
Í tilkynningu segir:
Bæjarins besta og bb.is óska lesendum sínum og landsmönnum öllum gleðilegs nýs árs með kærum þökkum fyrir dyggan lestur og góðan hug á liðnu ári.
Það hefur helst borið til tíðinda á heimavígstöðvum okkar að stofnendur þessa merki miðils, Sigurjón Sigurðsson og Halldór Sveinbjörnsson, hafa nú dregið sig til hliðar eftir rúmlega 30 ár í stafni. Þeir eiga heiður skilinn fyrir elju sína og úthald, að reka fjölmiðil er ekki auðveldur rekstur. Vefurinn bb.is einn vinsælasti fréttavefur landsins og Bæjarins besta eitt elsta héraðsfréttablaðið og vel þekkt. Miðlarnir eru samskiptatæki okkar í milli og til umheimsins.
Aðeins hafa verið breytingar í starfsmannahaldi. Ella Þóra fór til annarra starfa í ágúst og stað hennar kom Anna Sigríður Ólafsdóttir. Með Smára, Önnsku og Jóni Hallfreð göngum við inn í nýtt ár með bjartsýni og gleði að vopni.
Fljótlega á nýju ári mun enn draga til tíðinda á bb heimili nu, Björnsbúð er full stór fyrir okkur fjögur sem þar lifum og störfum og í febrúar komum við okkur fyrir á Mánagötu 2. Rúmgóð hýbýli Björnsbúðar eru því laus fyrir hugmyndaríka og framtakssama Vestfirðinga.
Annska, Bryndís, Jón Hallfreð og Smári