Hópur manns vinnur hörðum höndum að því að undirbúa forsetaframboð Bergþórs Pálssonar og er nú safnað lækum á Facebooksíðu stuðningmannanna. Þar sagði í morgun:
Í rannsóknarvinnu okkar á Bergþóri komumst við að því að þann 25.maí 1963 birtist í fyrsta skiptið eitthvað frá Bergþóri í íslenskum fjölmiðlum. Þann dag birti Þjóðviljinn teikningu eftir Bergþór sem þá var 5 ára. Teiknaði Bergþór virkilega fallegt hús og íslenski fáninn er ekki langt undan.
Bergþór Pálsson hefur sagt að hann muni fyrst íhuga forsetaframboð ef stuðningssíða þessi nær 10.000 lækum. Í dag stöndum við í 961 læki. Við gerum það að tillögu okkar að allir stuðningsaðilar málefnisins deili síðunni á veggnum hjá sér svo forsetaefnið fari undir feldinn góða.
