Lundúnafréttir:
—
Íslensku viðskiptafréttamiðlarnir hafa sofið á vaktinni yfir einni stærstu viðskiptafrétt ársins – af Bakkavör í Bretlandi.
Fyrir þremur dögum birtu breskir fjölmiðlar fréttir þess efnis að Bakkavör (sem er að stórum hluta í eigu bræðranna Ágústs og Lýðs Guðmundssona) þyrfti að segja upp allt að 300 starfsmönnum eftir að fyrirtækið missti samning við Tesco um að selja verslunarkeðjunni tilbúna kartöflustöppu. Já, Bakkavör er með 300 manns við að framleiða og selja kartöflustöppu. Sú framleiðsla stendur undir 16% af umsvifum Bakkavarar.
Flestallir bresku fjölmiðlarnir birtu frétt þessa efnis en af einhverjum ástæðum misstu viðskiptablaðamenn hér heima af tíðindunum.
Ekki er þó öll von úti fyrir starfsmennina 300. Bakkavör vonast til að ráða hluta þeirra aftur til að framleiða hummus, en vinsældir þess meðlætis hafa farið vaxandi í Bretlandi.