Steinar Berg, stórtækur hljómplötuútgefandi á árum áður, ætlar að stefna Bubba Morthens fyrir ærumeiðingar og láta á reyna fyrir dómstólum. Steinar Berg segir:
“Í þættinum Popp- og rokksaga Íslands sem upphaflega var sýndur 13 mars s.l. sakaði Bubbi Morthens, undirritaðan um níðingsskap og blekkingar. Þegar ég bar svo af mér aðdróttanirnar færðist Bubbi allur í aukana í fullyrðingum sínum. Farið var fram á víð RÚV, sem er framleiðandi þáttanna, að nefnd ummæli yrðu klippt út, en því hafnað. Þátturinn er endursýndur í kvöld 17. ágúst.
Ég hef því ákveðið í framhaldinu að láta reyna á rétt minn fyrir íslenskum dómstólum og mun stefna Bubba Morthens og RÚV fyrir ærumeiðandi ummæli og birtingu þeirra. Hróbjartur Jónatansson hrl. hjá lögfræðistofunni Jónatansson & Co. mun sjá um málið fyrir mína hönd.
Jafnframt hef ég tekið saman upplýsingar og gögn sem tengjast samskiptum okkar Bubba Morthens og birt á heimasíðunni: