Donald Trump, nýkjörinn forseti Bandaríkjanna, hefur verið viðloðandi skemmtanaiðnaðinn um áratugaskeið og hann á sitt uppáhald á öllum sviðum.
Uppáhaldstónlistarmaðurinn hans er Neil Young og þá sérstaklega á meðan hann var hluti af Crosby, Stills og Nash: “Hann hefur eitthvað alveg sérstakt til að bera,” sagði Trump um Young sem reyndar bannaði honum að nota lag sitt, Rocking In The Free World, í kosningabaráttunni.
Uppáhaldsbíómynd Trump er Citizen Kane eftir Orson Wells: “Kane kennir þér að auður eru ekki allt. Hann átti nóg af peningum en var ekki hamingjusamur.”
Og uppáhaldsbókin er Tíðindalaust á vesturvígstöðvunum eftir Eric Maria Remarque og svo að sjálfsögðu Biblían sem hann flaggaði mjög í kosningabaráttu sinni sem skilaði honum alla leið.