Fréttaritari okkar í austurbænum hefur vakið athygli á ríkulegum jólaljósaskreytingum í húsnæði Ríkisskattstjóra á horni Laugavegar og Nóatúns. Þetta er gamla Víðishúsið, kennt við Guðmund í Víði, húsið sem Vilhjálmur Hjálmarsson þáverandi menntamálaráðherra lét ríkið kaupa fyrir ýmsar ríkisstofnanir. Þetta var nú mikið á milli tannanna á fólki á sínum tíma, en nú vilja sjálfsagt margir vilja “Lilju kveðið hafa” eins og þar stendur.
Fréttaritari okkar telur að þarna séu upp undir 200 ljósakransar og jólasveinar í gluggunum hjá tveimur stofnunum, og svo geta menn bara farið í næstu búð og kíkt á verðið á þessum skreytingum.
Það skiptir svo dálítið í tvö horn með skreytingar hjá ríkisstofnunum, því Skúli Eggert ríkisskattstjóri og greinilega ljósglaðari en Þórólfur forstjóri Samgöngustofu, því þar eru skeytingarnar miklu hóflegri. Ríkidæmið er sem sagt hjá Skúla Eggerti, enda er það í hans valdi að leggja á og sjá til þess að að allir greiði sitt til samfélagsins.