Miklar umræður eru um væntanlega nýbyggingu Alþingis í Vonarstræti - sjá hér – þar sem tekist er á um gamalt og nýtt. Herbert Guðmundsson, fyrrum ritstjóri og útgefandi, hefur þetta til málanna að leggja:
“Vitanlega á að flytja Alþingi til Þingvalla, eða þess vegna suður á Vatnsleysuströnd. Fækka þingmönnum í 42, hafa mest 12 ráðherra sem verði í fullri vinnu sem slíkir, stytta þingtímann í 6 mánuði á ári og skipuleggja þingstarfið sem löggjafarþing en ekki kjaftatörn. Alþingi virði eigin lög um hvíldartíma, og verði þannig fjölskylduvænn vinnustaður. Með þingi utan Reykjavíkur fylgdu þingbúðir þingmanna, sem jöfnuðu búsetuaðstæður þingmanna á þingtíma. Og að sjálfsögðu mikilvægar samgöngubætur til þingstaðar. Núverandi þinghúsi verði vonandi ekki breytt í hótel, en það er tímabært þótt fyrr hefði verið að setja lýðveldismerki Íslands framan við merki Danakóngs á þaki þessa merka húss. Alla vega höggið og málað í íslenskan marmara framan við það. Merkt í núinu.”