“Þvílíkur glans og glæsileiki auk hins milda og mjúka danska húmors,” segir Friðrik Indriðason sem fylgdist með beinni útsendingu danska Ríkissjónvarpsins frá hátíðarkvöldverði Margrétar Danadrottningar til heiðurs íslensku forsetahjónanna í Kaupmannahöfn í gærkvöldi.
“Lars Lökke forsætisráðherra var rétt áðan að mæra Guðna Th. upp úr skónum og sagði hann afar vinsamlegan og almennilegan í persónulegum samskiptum. Skömmu áður hafi komið innskot frá fundi þeirra Guðna og Lökke þar sem Guðni fór fögrum orðum um samband okkar við Dani og sagði Lökke að ef Danir þyrftu einhvern tímann á aðstoð Íslendinga að halda, eins og til dæmis í fótbolta og handbolta, vissu þeir hvar okkur væri að finna.”