Ánægður forseti.
Forseti Íslands var himinlifandi þegar hann opnaði póstinn sinn í morgun. Honum hafði borist gamalt Andrésblað:
“Í morgun barst mér góð gjöf. Í ræðu í boði Margrétar Danadrottningar í síðustu viku nefndi ég að í æsku hefði ég lesið Andrés Önd á dönsku en nú væri slíkt liðin tíð á Íslandi. Dani nokkur sem á þau blöð frá upphafi tók sig til og sendi mér Andrés Andarblað frá 25. júní 1968, degi fyrir fæðingardag minn. Gaman að þessari gjafmildi og hlýhug. Hlakka til að lesa og halda til haga lesátakinu Allir lesa. Hvet alla til að taka þátt í því,” segir Guðni Th. Jóhannesson og æfir sig nú enn frekar í dönskunni.