Ein útbreiddasta sjónvarpsstöð í heimi, Aljazeera, sýndi nýlega hálftíma þátt um matarmenninguna á Íslandi. Þáttagerðarmaður stöðvarinnar fór víða um landið bæði til að segja frá íslenskum matarhefðum og einnig besta veitingahúsi landsins – Dill við Hverfisgötu. Þar var talað við Gunnar Karl Gíslason annan stofnanda þessa fyrsta veitingahúss hér á landi sem færi Michelin stjörnu – eftirsóttustu viðurkenningu sem veitingahús geta fengið.
Óhætt er að segja að umfjöllun Aljazeera sé mikil landkynning, því stöðin sendir út fréttir og fróðleik á fjölda rása á mörgum tungumálum um allan heim. Hér á landi er útsending stöðvarinnar á ensku. Aljazeera eru í eigu ríkisstjórnarinnar í Qatar, en lýtur ekki ritstjórnarlegu valdi stjórnvalda.