Hafinn er undirbúningur að nýju framboði Í Reykjavík fyrir næstu sveitarstjórnarkosningar 2018. Hópur fólks hefur rætt um að bjóða fram í borginni með áherslum á einkaframtak og frumkvæði og er vinnuheiti frambosðsins “Smávinir fagrir foldarskart”.
Þessu fólki blöskrar orðið hótelvæðingin og telja núverandi forystu halla undir stórar hótelkeðjur en um leið tilbúna að traðka á einstaklingsframtaki og frumkvæði.
Segja þeir að þetta komi skýrt fram í ummælum borgarfulltrúa þegar þeir tali um einkaframtak litla mannsins af fyrirlitningu í firrtri sókn sinni fyrir stóru keðjurnar. Þannig talar Björn Blöndal formaður borgarráðs í Fréttablaðinu í gær um frekari takmarkanir á útleigu einkaaðila til ferðamanna á vettvangi airbnb. Hann talar niður til litla mannsins og segir að það megi vel við una að fólk sé að leigja út íbúðir sínar ef það er ekki að nota þær sjálft til að afla sér smá tekna en “okkur” veiti ekki af gistirýminu. Hann áttar sig ekki á því að þeir eiga ekki heimili fólks og geta því ekki gert kröfu um að takmarka rétt fólks til að ráðstafa eigum sínum af því að þeim veiti ekki af gistirýminu.
Svo segja þeir sem að undirbúningi framboðsins vinna.