Sinfóníuhljómsveit Íslands heldur í tónleikaferð til Gautaborgar og leikur þann 19. apríl í hinu víðfræga tónleikahúsi borgarinnar. Á tónleikunum hljómar Aeriality eftir Önnu Þorvaldsdóttur, Sinfónía nr. 2 eftir Sibelius og Víkingur Heiðar Ólafsson leikur einleik í Burleske eftir Richard Strauss. Hljómsveitarstjóri er Yan Pascal Tortelier, aðalstjórnandi Sinfóníuhljómsveitar Íslands.
Næsta vetur mun Gautaborgarsinfónían endurgjalda heimsóknina, koma til Íslands og leika fyrir gesti í Eldborg undir stjórn finnska hljómsveitarstjórans Santtu-Matias Rouvali.