Málverk af Davíð Oddssyni fyrrum forsætisráðherra, borgarstjóra, seðlabankastjóra og nú ritstjóra Morgunblaðsins var afhjúpað í höfuðstöðvum Sjálfstæðisflokksins í dag.
Verkið er eftir Stephen Lárus en hann er sonur Karólínu Lárusdóttur sem er ein virtasta myndlistarkona þjóðarinnar.
Málverkið af Davíð er reyndar eins og ljósmynd en listamaðurin er í uppáhaldi hjá Davíð og félögum því Hannes Hólmsteinn fékk mynd af sér eftir sama listamann þegar hann varð sextugur frá Davíð og fleirum og þá sagði Hannes:
“Veglegasta gjöfin var frá þremur einkavinum mínum, sem staðið hafa með mér í blíðu og stríðu, og afhenti Davíð Oddsson mér hana fyrir þeirra hönd. Það var frábært málverk eftir Stephen Lárus Stephen, sem óhætt er að kalla einn snjallasta listmálara landsins. Það er andlitsmynd af mér, sem heitir „Hannes ófullgerður“, því að það vísar til þess, að ég eigi enn eftir að gera margt og mikið, og vona ég svo sannarlega, að það verði að áhrínsorðum.
