“Það var kominn tími til að hrista upp í þessum markaði. Ég held að Costco sé að gera það sama og Bónus gerði á sínum tíma,” segir Guðrún Þórsdóttir, ekkja Jóhannesar í Bónus, sem er byrjuð að vinna í Costco.
Guðrún er vön manneskja í þessum bransa eins og gefur að skilja og kann til verka:
“Ég vinn hér á skrifstofunni en geng í öll verk, Nú síðast var ég að taka upp úr kössum. Þetta er alveg dásamleg verslun og hrein upplifun að koma hingað inn enda sýna móttökurnar að fólk kann að meta þetta.”
Guðrún og Jóhannes í Bónus voru saman í áratug og giftu sig á afmælisdegi Jóhannesar 2010 – sjá frétt hér – en Jóhannes barðist þá við krabbamein sem varð honum að aldurtila síðar.