Elsti Sankti Bernharðs – hundur á landinu, hann Rocky, er allur. Eigandinn, Ólafur Helgi Jóhannsson, minnist hans með söknuði:
“Hundurinn minn hann Rocky dó núna kl. 5:30 þegar við vorum á leiðinni fram í Varmahlíð til að láta dýralækni líta á hann. Hann var búinn að vera eitthvað lasinn síðan við komum norður og versnaði mikið í nótt og dró það hann til dauða. Hann var saddur lífdaga, orðinn rúmlega níu ára og elsti Sanktinn á landinu. Þessa trygga vinar míns verður sárt saknað og tómlegt á heimilinu þegar hann er farinn. Þrátt fyrir söknuð þá veit maður að að þessari stund kemur hjá bæði mönnum og dýrum. Einhvernveginn er maður samt aldrei búinn undir hana en minningarnar eru margar og gott að eiga þær.”