Fest hefur verið upp tilkynning á hurð Vesturbæjarlaugar þar sem greint er frá vetraropnun sem tekur gildi á mánudag. Styttist þá aftur opnunartími um helgar en barátta og undirskiftarsöfnun Ólafs Egilssonar leikara og félaga endaði með því að hann var lengdur til klukkan 22:00 í sumar til reynslu.
Nú á aftur að hrökkva í gamla farið og stytta opnunartímann um helgar.
Þá rís annar stórleikari upp og hefur undirskriftarsöfnun á Netinu, Stefán Karl Stefánsson, eggjar fólk til þátttöku með góðum árangri og segir:
“Ekki þarf að fjölyrða um neitt um ágæti okkar einstöku sundlauga eða notagildi þeirra til þess að stunda heilsuböð. En það sem kannski oft gleymist er hinn samfélagslegi máttur og sá samastaður sem hverfissundlaugar eru mörgum íbúum hverfa og fjölskyldufólks ekki síst þeirra sem margt hvert notar sundlaugarnar um helgar og á kvöldin með börnum sínum með ómældri gleði og skemmtun meðar aðrir kjósa annarskonar skemmtanarhald.”
Fleiri undirskriftarsafnanir munu vera í gangi vegna þessa.