Ungliðahreyfing Viðreisnar boðar til aðalfundar í kvöld, bjór verður í boði eins og vera ber hjá ungliðaheyfingum. Sérstakur gestur verður þingmaðurinn Pawel Bartoszek þar sem hann mun spjalla við ungliðana um ofbeldi og kannabis, eins og kemur fram í tilkynningu ungliðahreyfingarinnar.
Pawel er orðinn 36 ára gamall og því ekki lengur gjaldgengur ungliði, segir hann á Fésbók að honum hafi verið veitt tímabundin uppreist æska:
„Ungliðahreyfing Viðreisnar veitti mér tímabundna uppreist æsku til að mæta á aðalfund þeirra í kvöld.“