Áskrifendum Stundarinnar hefur fjölgað um hartnær 500 eftir að sýslumaður setti lögbann á fréttaflutning fjölmiðilsins sem byggir á gögnum úr Glitni.
“Við höfum ekki náð að skrá allar áskriftapantanirnar, en vinnum að því og náum líklega að klára það í dag. Þær eru tæplega 500, samkvæmt því sem mér er sagt hérna innanhúss,” segir Jón Trausti Reynisson ritstjóri Stundarinnar en hann er teiknaður sem mannæta í Morgunblaðinu í dag.