Úr Breiðholtinu:
—
„Ég myndi synda miklu meira ef að það væri lyfta hérna í lauginni. Ég get komið mér ofan í laugina sjálf en ekki upp úr henni án hjálpar,“ segir fötluð kona sem sækir mikið Breiðholtslaug. Hún notar einnig hjólastól sem laugin á en hann er kominn til ára sinna og rétt rúllar.
„Fyrir nokkuð mörgum árum var lyfta hérna í lauginni og mér skilst á sundlaugarverðinum að hún sé í geymslu. Ég hef mikið reynt að ná í forstöðumann þessarar laugar en hann virðist vera mjög upptekinn. Víðsvegar um borgina virðist vera lítil vilji hjá borgaryfirvöldum að bæta aðgengi fatlaðra sama þótt í sumum tilvikum, eins og þessu, kosti það næstum eki neitt,“ segir konan sem vonast eftir því að lyftan verði tekin í notkun fljótlega svo hún geti synt meira í Breiðholtslauginni sér til ánægju og heilsubótar í hverfinu sem hún tók þátt í að byggja upp og vill njóta til fullst þrátt fyrir fötlun sína.
