Það bullsýður á neytandanum:
Stutt er síðan kom í ljós að ferskur appelsínusafi hafði hækkað um 15% við það eitt að samkeppni í þeim bransa varð að engu. Það er aðeins einn ferskur appelsínusafi á markaðnum, Sól frá Ölgerðinni. Trópí er hætt með ferskan safa.
Á einni viku er búið að snúa hnífnum hálfhring til viðbótar í sárinu, með enn meiri hækkun. Síðast kostaði lítrinn 435 kr. Núna er hann kominn í 479 kr.
Þegar samkeppnin var milli Ölgerðarinnar og Vífilfells (Trópí) með ferskan appelsínusafa, þá kostaði lítrinn um 380 kr. Verðið hefur semsagt hækkað um 100 kr. á lítranum – um 26% – án þess að nokkuð annað hafi gerst í heiminum en að samkeppnin lagðist af.