Steini pípari (Icerock) sendir textaskeyti með mynd:
—
Hæ Gamli.
Ég byrjaði morguninn með því að hella uppá og smyrja mér eina samloku. Langaði helst til að hætta við ljósmyndaferðina en þetta var það sem ég hafði skipulagt.
Á útleið greip ég myndavélatöskuna, hitabrúsan og samlokuna. Náði í ljósmyndafélagann og ók á áfangastað. Míkið djöfull var hann napur og birtan ekki góð.
Við sátum drykklanga stund í bílnum og ræddum um kosti og galla Óla og Guðna. Á meðan við vorum að komast að því að þeir væru menn af guðatölu. Ég hellti mér í kaffibollann úr hitabrúsanum og spurði félaga minn um leið hvernig honum þætti meðferðin á Brúsafólkinu.
Hann varð eitt spurningarmerki í framan og kváði “Brúsafólkið”?
Já, sagði ég. Það er þessi hluti af þjóðinni sem er látinn borga Brúsann.