Hlustendur Útvarps Sögu eru áhugasamir um væntanlegar forsetakosningar og ræða í þaula í símatíma stöðvarinnar.
Flestir eru á því að Ólafur Ragnar sitji áfram því þá er hægt að spara ellilaun hans en forsetinn heldur launum út lífið samkvæmt lögum.
Ekki dugi að bjóða fram einhverja puntudúkku því stjórnarmyndunarviðræður 2017 geti orðið snúnar og erfiðar og þá þurfi forseta með bein í nefinu.
Auk Ólafs Ragnars minntust hlusendur Sögu aðeina á tvo aðra mögulega frambjóðendur sem boðlegir væru við þessar aðstæður; Herdísi Þorgeirsdóttur og Stefán Jón Hafstein.
Svo skemmtilega vill til að Herdís og Stefán Jón eiga sama afmælisdag, 18. febrúar – en það vissi Sögufólkið ekki.