Björn Leifsson og nýja World Class stöðin í Breiðholti.
Kurr er í fastagestum Breiðholtslaugarinnar vegna framkvæmda sem tengjast nýrri líkamsræktarstöð World Class sem verið er að byggja við laugina. Fyrir utan byggingframkvæmdir sjálfar er verið að umturna búningsaðstöðu sem einnig verður ætluð viðskiptavinum World Class.
“Hvernig fer Bjössi í World Class að því að hengja sig utan á allar opinberar sundlaugar og samnýta aðstöðuna sem þar er búið að byggja upp,” spyrja fastagestirnir og telja svo upp Laugardalslaugina, og sundlaugarnar í Mosó og úti á Nesi.
Þórgnýr Thoroddsen og Breiðholtslaugin.
Þessu svarar Þórgnýr Thoroddssen formaður Íþrótta og tómstundaráðs Reykjavíkur en þar situr hann fyrir Pírata:
“Það var kallað eftir aðstöðu sem þessarar í hverfinu og við auglýstum eftir samstarfsaðilum. Besta boðið kom frá Birni Leifssyni í World Class en hann borgar breytingarnar á búningsaðstöðunni auk þes sem hann greiðir gjald fyrir hvern gest sinn burtséð hvort hann fer í laugina sjálfa eða ekki,” segir Þórgnýr og bætir við að samstarfið við World Class hafi gengið mjög vel í Laugardalslauginni og því hafi men gengið óhræddir til frekara samstarfs við Björn Leifsson. Þetta eigi eftir bæta reksturinn og gefa möguleika á betri opnunartíma ef menn vilji svo hafa í Breiðholti.