Dwight James hjá Delta.
Delta Air Lines er byrjað að fljúga milli Íslands og New York allan ársing hring, fyrst allra bandarískra flugfélaga. Vetraráætlun félagsins hefur tekið gildi og verður flogið fjórum sinnum í viku milli Keflavíkurflugvallar og John F. Kennedy flugvallar í New York.
Flogið verður á Boeing 757-200 þotum Delta í vetur fram til 1. maí, en þá tekur við sumaráætlun félagsins með daglegu flugi á stærri 234 sæta Boeing 757-300 þotum. Yfir hásumarið verða tvær brottfarir á sunnudögum til New York.
„Við höfum verið að byggja upp flugleið okkar til Íslands síðastliðin fimm ár og erum mjög ánægð að sjá að farþegar frá Norður-Ameríku eru orðnir fjölmennasti hópur ferðamanna sem kemur til landsins,“ segir Dwight James, framkvæmdastjóri Atlantshafsflugs Delta Air Lines. „Lykillinn að þessum árangri er hið víðfeðma leiðanet okkar um alla Norður-Ameríku, sem gerir viðskiptavinum kleift að komast til og frá Íslandi með aðeins einni viðkomu í New York.“