Quantcast
Channel: Eiríkur Jónsson » Langar fréttir
Viewing all articles
Browse latest Browse all 2053

LAUGARDALSLAUG 1970

$
0
0

Þessa meistaralegu mynd tók Kristjón Haraldsson í Laugardalslauginni um 1970. Hún er varðveitt í Ljósmyndasafni Reykjavíkur og þar láta menn stundum ljóð fylgja með:

Sundferð

Rukkaður um hundraðkall í sund.
Labbaði samt inn á Faktorý í gær,
án þess að vera beðinn um skilríki.
(Þrátt fyrir skeggvöxt sem minnir á kíví.)

Ég hafna öllum viðmiðum og gildum
og fer ekki úr skónum áður en við
göngum inn í búningsklefann.

Við berum okkur saman
og berum okkur svo saman.

Ég tapa…

svo ég þarf að bera hann í sturtu
og bera svo á hann sápu.

Þó sturtan hafi verið gullin
er veðrið úti grátt, sem þýðir bara eitt -
engar guggur á svæðinu;
einungis einstæðar mæður
og skeggjaðir Þjóðverjar.

Mér líður illa eftir gærkvöldið,
því ég borðaði kvöldmat gærkvöldsins
afturábak fyrir framan stelpuna
sem ég er skotinn í.

Ég fer því út í stóru laugina að synda
í von um aflausn minna synda.

Og þegar ég kem loksins upp úr
er ég nýr maður.

—Atli, 1993.


Viewing all articles
Browse latest Browse all 2053