Walesa og Runólfur í morgun.
Runólfur Oddsson, bróðir Davíðs Oddssonar og ræðismaður Slóvakíu á Íslandi, situr nú ráðstefnu í Smolenice kastala í Slóvakíu þar sem Lech Walesa, fyrrum forseti Póllands og ein frægasta uppreisnarhetja Austurblokkarinnar, er meðal fyrirlesara.
Vel fór á með Runólfi og Walesa í kastalanum eins og sjá má en embættis síns vegna og viðskiptahagsmuna er Runólfur í nánum tengslum við marga af helstu ráðamönnum í Austur-Evrópu.
Lech Walesa fékk friðarverðlaun Nóbels árið 1983 fyrir baráttu sína fyrir lýðræðisumbótum í Póllandi og varð farsæll forseti þjóðar sinnar eftir fall kommúnismans.
Lech Walesa á hápunkti stjórnmálaferils síns borinn fram til sigurs af félögum sínum.