Fréttaskýring
—
Kristján Þór Júlíusson þingmaður og heilbrigðisráðherra var ásamt eiginkonu sinni meðal þúsunda landsmanna sem snæddu kvöldmatinn í veitingasal IKEA á þriðjudagskvöldið.
Skyldi engan furða að maturinn í IKEA freisti ráðherrans líkt og annarra, ekki aðeins er hann góður og vel útilátinn og úrvalið mikið, heldur er hvergi að finna slíkan herramannsmat á jafn fáránlega góðu verði. Hangikjöt með uppstúf eða kalkúnn með sósu á 1.295 kr.
Sjálfsagt hefur heilbrigðisráðherrann í leiðinni tekið púlsinn á þeim hraustu Íslendingum sem skunda í verslanir fyrir jólin og eyða sem óðir, þó þeir þurfi ekki endilega að leggjast inn á geðsjúkrahús þess vegna. Einu áhyggjuefninu færra fyrir ráðherrann sem þessa dagana klórar sér vafalítið oft í kollinum yfir því hvað margir virðast halda að sjúkrahús séu undirstaða þjóðfélagsins.