Borist hefur póstur vegna fréttar hér:
—-
Í framhaldi af dellunni frá Hæstarétti í erbíandbí-málinu má benda á eitt atriði. Dómarararnir búa greinilega allir í einbýlishúsum og hafa ekki hugmynd um hvernig svona húsfélög virka. Ég þekki ágætlega til í einni svona samsteypu þar sem ég bý. Þótt húsfélagsdeildin mín verði sjálf að ákveða t.d. framkvæmdir (málning/viðgerðir) þá getur hún ekki farið út í málarekstur einfaldlega vegna þess að hún er ekki með eigin kennitölu. Húsfélagið allt er á einni kennitölu. Nú veit ég ekki hvernig fyrirkomulagið er hjá Skugga en mér þykir sennilegt að það sé eins og hér. Spurningin er, getur kennitölulaus aðili höfðað mál?
Miðað við hvernig dómsmálum er háttað hér á landi getur svo skýringin á þessari hæstaréttardellu verið sú að dómararnir eða einhverjir nákomnir þeim séu á fullu í svona braski. Það vekur alla vega athygli að dómur er kveðinn upp viku eftir að málið var flutt fyrir hæstarétti.