Fjöldi ferðamana í sundlaugum höfuðborgarinnar hefur stundum verið til vandræða og þá sérstaklega að fá þá alla til að þvo sér án sundfata áður en haldið er til laugar.
Gömul leiðbeiningaskilti, sem hefðu betur átt við í kjarnorkuverum, hafa nú verið leyst af hólmi í Vesturbæjarlaug með nýjum, nútímalegri og auðskiljanalegri myndum og ekki nóg með það. Í hverjum sturtuklefa er líka mynd í sama stíl sem sýnir nákvæmlega hvar og hvernig gestir eigi að þvo sér – án sundfata.