Melabúðin í Reykjavík er ein þekktasta matvöruverslunin í höfuðborginni en Melabúðin er líka á Flúðum og heitir þar Litla Melabúðin.
Litla Melabúðin á Melum Flúðum selur íslenskar gæðavörur beint frá bónda. Vöruúrval er byggt á uppskeru og framboði á hverjum tíma. Þarna er selt grænmeti; tómatar, kál, gúrkur, kryddjurtir, paprikur, rófur, gulrætur, jarðaber og hindber Kjöt frá koti; nautakjöt; steikur, t-bone, hryggsneiðar, hakk, gúllas, hamborgarar og einnig hrossabjúgu. Silungur frá Tungufellsdal, hunang frá Húsatóftum og flatkökur og sultur frá Kristínu Karólínu.
