Hraðbanki Íslandsbanka á Eiðistorgi á Seltjarnarnesi var peningalaus síðdegis á laugardaginn þegar mest lá við.
Viðskiptavinir reyndu ítrekað að ná peningum út en ekkert gaf til kynna að hann væri tómur. Hraðbankinn svaraði öllum skipunum um pin-númer, kvittanir og annað og skilaði svo kortunum án athugasemda – en engir komu peningarnir.
Flestir reyndu þrisvar eða fjórum sinnum áður en þeir gáfust upp og héldu blankir á brott.