Landsbankinn fær harkalega útreið í grein sem Einar Valur Ingimundarson umhverfisverkfræðingur birtir í Fréttablaðinu og á Vísi í dag.
Eins og allir vita taka bankar upp símtöl við viðskiptavini. Einar Valur segir í grein sinni að símtal sem hann átti við Landsbankann sýni fram á að bankinn klúðraði málum fyrir hann. Bankinn hafnaði því og krefur Einar Val um tugmilljóna króna greiðslur. Einar fór fram á að Landsbankinn birti upptökuna af símtalinu, en bankinn segist ekki finna hana.
Einar spyr í lok greinarinnar: “Hvað eiga viðskiptavinir Landsbankans að halda um öryggi þess að símtöl séu hljóðrituð? Hvað ef ágreiningur kemur upp í framtíðinni, þar sem einstaklingur telur bankann hafa hlunnfarið sig? Ætlar Landsbankinn þá enn og aftur að bera fyrir sig að upptökurnar finnist ekki?”