Steini pípari var hér áður fyrr fastur ljósmyndari undir nafninu Icerock, sendi myndir með athugsemdum og tekur nú upp þráðinn:

—-

Steini pípari - Icerock.

Nú er ein mesta tekjulind Íslands til sölu. Þeir sem græða mest á henni eiga að kaupa hana.

Hverjir eru það?

Það eru ekki útlendingar, það erum við – íslenska þjóðin – ríkið. Jökulsárlón ætti að vera hluti af Vatnajökulsþjóðgarði. Gagnslaust er að hafa þjóðgarða sem skilja eftir mestu náttúrperlurnar.

Ríkið á að kaupa upp gersemar okkar þannig að Ísland verði eftirsóknarvert fyrir útlendinga. Með rannsóknum er hægt að finna hvernig megi stilla verðlagi í nægilegt hóf til þess að slátra ekki gullegginu en fá samt eins mikið og hægt er út úr auðlindinni. Það gerum við ekki ef perlurnar verða eign einkaaðila sem hafa enga heildarsýn á hagsmuni landsins.