Halldór Auðar Svansson, foringi Pírata í borgarstjórn Reykjavíkur, er á leið í skóla og hlakkar til:
“Í dag fékk ég þær ánægjulegu fréttir að umsókn mín um MPM-nám, Master of Project Management eða meistaranám í verkefnastjórnun, við Háskólann í Reykjavík var samþykkt. Ég byrja í haust og námið er skipulagt samhliða vinnu þannig að það verður enn meira nóg að gera næstu tvö ár hjá mér;” segir Halldór svellkaldur og klár.
“Stjórnunarstöður eru komnar kyrfilega inn á áhugasvið mitt núna og mig langar til að öðlast faglega þekkingu á því sviði. Þetta nýtist án efa vel bæði í núverandi starfi og því sem ég leiðist út í þegar ég leita á önnur mið, hver sem þau verða og hvenær sem það verður.”