Tryggingamiðstöðin býður viðskiptavinum sínum í hina árlegu TM-göngu í samstarfi við Flallavini á sunnudaginn.
Gangan hefst á Bessastöðum kl. 12. Gengið verður um Bessastaðanes og endað í Bessastaðakirkju. Bílum má leggja á bílastæði við kirkjuna. Göngufólki er velkomið að skoða kirkjuna eftir gönguna ef áhugi er fyrir því.
TM hvetur alla til að mæta í þessa hressandi göngu enda fallegt landslag á nesinu og glimrandi gott að ganga í góðum félagsskap.
Gangan byrjar kl. 12 og tekur um 2 klst. Mælt er með því að allir verði mættir um kl. 11.45 við kirkjuna. Boðið verður upp á hressingu fyrir gönguna en leiðsögumenn verða Fjallavinirnir Þórður Ingi Marelsson og Fríður María Halldórsdóttir.
Ekki er vitað hvort forsetahjónin verða heima á sunnudaginn en spáð er rigningu og 11 stiga hita.