Þessi maður, Stefán Friðfinnsson, forstjóri Íslenskra aðalverktaka á árum áður, var í Bónus í Faxafeni að versla um daginn en Stefán er landsþekktur auðmaður eins og sjá má hér.
Konan á undan honum lenti í því að kortinu hennar var hafnað – reikningur uppá 22 þúsund krónur.
Stefán var yfirvegaður og sagði frekar lágri röddu, ég skal borga þetta, enda var konan komin í mikla geðshræringu – náði ekki í neinn til að redda sér.
Hún varð afar glöð og þakklát þegar Stefán bauðst til að borga fyrir hana sem og hann gerði og bað hann um reikningsnúmer svo hún gæti lagt inná hann. Hann sagði bara lágri röddu:
Þú mátt bara eiga þetta.