Hamborgarabúllan hefur breytt lögun og áferð hamborgara sinna og eru þeir nú steiktir þykkari en áður líkt og gert er á Búllunum erlendis. Er með því verið að samræma gæðaframleiðsluna.
Um breytingarnar segir hamborgarkóngurinn Tommi sjálfur:
“Í ellefu ár hefur Búllan haft á boðstólum tvær stærðir af hamborgurum sem báðir voru 12 sentimetrar í þvermál og er annar 82 grömm og hinn 120 grömm fyrir steikingu. Í útlöndum er bara ein stærð, 150 grömm og 10 sentimetra þvermál. Mörgum sem hafa smakkað á báðum stöðum finnst þeir betri svona þykkir. Þess vegna höfum við minnkað ummál þess 120 gramma hér heima til að fá þessa þykku áferð sem mér persónulega finnst betri og borða ég að meðaltali einn hamborgara a dag.”