Hann er kallaður Bensi af vinum sínum, Benedikt Jóhannesson formaður Viðreisnar, sem sló í gegn í Forystusætinu í kosningakynningu Ríkissjónvarpsins. Hann brosti meira að segja en það hafa sjónvarpsáhorfendur aldrei fengið að sjá áður þó svo Bensa hafi oft brugðið fyrir á skjánum.
Hann talaði sig beint inn í þjóðarsálina:
Tengja krónuna við erlenda mynt og útrýma þannig verðtryggingu.
Kvótakóngar deili kjörum með almenningi eftir því hvernig fiskiríið gengur.
Rukka ferðamenn í náttúruperlum með stöðumælum en ekki náttúrupössum eða komugjöldum.
Leyfa þjóðinni að kjósa um Evrópusambandið.
Að bændaforingjar fái ekki að ráða því hvað fólkið í landinu borðar.
Og að núverandi stjórnarflokkar séu í raun bara tveir Framsóknarflokkar.
Bláklæddur og sjarmerandi sat hann fyrir svörum og svaraði öllu fumlaust. Stílisti hans ætti að fá kauphækkun því hann lúkkaði jafnvel betur en náfrændinn, Bjarni Benediktsson formaður Sjálfstæðisflokksins, en skyldleika þeirra má sjá hér að neðan:
