Á stjórnmálafundum sem Samtök ferðaþjónustunnar héldu í kjördæmunum lýstu margir frambjóðendur þeirri skoðun sinni að ráð væri að stofna sérstakt ráðuneyti til að halda utan um öll verkefnin í kringum ferðaþjónustuna. Hingað til hefur varla mátt tala um að fjölga ráðherrum, af ótta við neikvæð viðbrögð kjósenda. En hugmyndinni um að fá ferðamálaráðherra var vel tekið.
Þetta ætti líka að auðvelda stjórnarmyndun, því þegar þrír eða fleiri flokkar ætla að sameinast um ríkisstjórn, þá er aldrei of mikið af ráðherraembættum. Þannig gæti ríkisstjórn undir forystu Sjálfstæðisflokksins t.d. fengið sex ráðherra, Viðreisn þrjá og Björt framtíð tvo. Í fjögurra flokka stjórn, sem varin væri falli af Samfylkingunni, gætu Vinstri græn fengið fimm ráðherra, Viðreisn þrjá, Píratar tvo og Björt framtíð einn.