Veitingahússgestir í miðbæ Reykjavíkur ráku upp stór augu þegar reikningurinn kom, því á honum var að finna vatnsglas og gaffal, auk annarra veitinga.

Reyndar var ekkert rukkað fyrir vatnsglasið eða gaffalinn, en óneitanlega kom þetta spánskt fyrir sjónir enda ekki vanalegt á íslenskum veitingahúsum að rukka fyrir vatn eða hnífapör.

Skýringin gæti verið sú að allt sem gesturinn á að fá á borðið sé sett inn í tölvuna, til að þjónninn gleymi engu.

En svo gæti þetta allt eins verið undirbúningur þess að fara að láta gestina borga fyrir það sem þeir fá. Þá gæti reikningurinn orðið nokkuð ítarlegur, ekki bara vatn og gaffall, heldur líka diskur, hnífur, munnþurrka, stóll og kveikt á kertaljósi.

Alþýðusamband Íslands verður 100 ára þann 12. mars nk. og býður af því tilefni til sannkallaðra stórtónleika í Eldborgarsal Hörpu auk tónleika á Akureyri, Ísafirði og Neskaupsstað. Frábærir listamenn munu koma fram til að fagna þessum tímamótum. Einnig er boðið upp á fjölskylduskemmtun í Hörpu frá klukkan 14 sama dag. Boðið verður upp á köku, kaffi og svala.

Reykjavík – Eldborg
Frábærir listamenn koma fram til að fagna þessum tímamótum með okkur laugardaginn 12. mars kl. 20:00: Retro Stefson, Mannakorn, Valdimar, Hundur í óskilum, Mammút og Lúðrasveit Verkalýðsins. Kynnar verða Halldóra Geirharðsdóttir og Ólafía Hrönn Jónsdóttir.

Akureyri – Hof
Ljósmyndasýning og tónleikar í Hofi á Akureyri laugardaginn 12. mars kl. 20. Fram koma: Agent Fresco, Ylja, Hvanndalsbræður og Emmsje Gauti.

Ísafjörður – Edinborgarhúsið
Ljósmyndasýning og tónleikar í Edinborgarhúsinu á Ísafirði laugardaginn 12. mars kl. 20. Fram koma: Mugison og Lára Rúnars.

Neskaupstaður – Egilsbúð
Ljósmyndasýning og tónleikar í Egilsbúð í Neskaupstað laugardaginn 12. mars kl. 20. Fram koma: Bjartmar Guðlaugs, Lay Low og Úlfur Úlfur.

Ítalskt fyrirtæki hefur þróað og hannað nýja gerð jarðsetninga sem leyst gæti legsteina af hólmi á svipmikinn hátt er fram líða stundir.

Hugyndin er sú að hinum látna er komið fyrir í fósturstellingum í jarðbelg og ofan á plantað tré sem síðan vex upp sem eilífur minnivarði um þann sem í jörðu hvílir. Þannig myndi heilu skógarnir koma í stað krikjugarða.

Sjá kynningarmyndbandið Goodbye Coffins hér – smellið!

Friðrik Höskuldsson hjá Landhelgisgæslunni er með augun opin þegar hann fer í matvöruverslanir og ekki síður þegar hann er kominn heim. Hér er umhugsarverð skýrsla frá honum:

—

Nú er það komið á daginn sem ég varaði við upp úr áramótum. Þá sendi ég ykkur línu eftir að verðmerkingar á áleggsbréfum væru orðnar heldur skrítnar. Allar umbúðir jafn þungar, ef þið munið.

Nú var ég að koma úr verslunarferð og af stráksskap mínum ákvað ég nú að vigta vörurnar þegar ég kæmi heim. Er búinn að sitja við það núna, og er alveg hreint furðulostinn yfir útkomunni.

Eins og þið sjáið hér að neðan, í töflunni sem ég setti upp, eru nánast allar íslenskar vörur undir uppgefinni vigt, allt nema Ora maísbaunirnar. En lítið á neðri hluta listans þar sem ég tek erlendu vörurnar sér. Þær ná allar vigt og gott betur margar hverjar.

Ef ég reikna vörurnar í verð pr. gramm miðað við strimil og og uppgefin kílóverð þá er munurinn svakalegur í krónu. Samkvæmt þessu var ég snuðaður um 1421.- krónu á íslensku vörunum, en fékk þó 546.- krónur til baka af þeim erlendu.

Það er eitthvað alvarlegt orðið að í þessu samfélagi. Hér komast menn orðið upp með að gefa upp rangar þyngdir svo talsverðu munar á íslenskum vörum, en geta ekki logið neinu með þær erlendu.

Endilega vekjið máls á þessu við þartilbæra. Það er verið að snuða okkur svakalega.

Hinn virti breski fjölmiðill, Independent, birtir grein um tíu bestu og verstu flugfélög í heimi að gefnum ákveðnum forsendum og lendir Icelandair þar á lista sem það níunda versta.

Kemur niðurstaðan á óvart og er þvert á ímynd fyrirtækisins sem er að öllu jöfnu góð – í það minnst í hugum Íslendinga.

Versta flugfélag í heimi, að mati Independent, er Sata sem er vöruflutningafélag og flýgur helst í námunda við Portúgal.

Tíu bestu flugfélögin má svo sjá hér að neðan:

Lesa frétt Independent – smellið!

Runólfur Ólafsson framkvæmdastjóri Félag íslenskra bifreiðaeigenda og fjármálaráðherra.

FÍB, Félag íslenskra bifreiðaeigenda, hefur sent Bjarna Benediktssyni fjármálaráðherra áskorun um að grípa tafarlaust til aðgerða til að stöðva yfirvofandi gripdeildir tryggingafélaga úr sjóðum sem eru í eigu viðskiptavina þeirra.

Þrjú tryggingafélög hafa kynnt fyrirætlanir um samtals 8,5 milljarða króna arðgreiðslur á næstu dögum. Fjármunina á að taka úr bótasjóðum sem tryggingafélögin hafa safnað með uppsprengdum iðgjöldum af ofáætluðum tjónum.

Fjármálaeftirlitið hefur lagt blessun sína yfir það að eigendur tryggingafélaganna tæmi bótasjóðina og stingi þeim í eigin vasa. FÍB hvetur ráðherra til að taka í taumana með því að gefa stjórn Fjármála­eftirlitsins fyrirmæli um að sinna lögbundnu eftirlits- og aðhaldshlutverki sínu. FÍB segir að FME vanræki skyldur sínar við almenning og hugsi eingöngu um hag fjármálafyrirtækja og fjárfesta. Því verði að breyta.

FÍB bendir á að FME hafi ríkar heimildir til að hlutast til um fjármál og rekstur tryggingafélaganna. FME geti skipað þeim að endurgreiða tryggingatökum eign þeirra í bótasjóðunum eða nota fjármunina til að lækka iðgjöld næstu árin.

FÍB bendir jafnframt á að ef FME ætlar að láta þessa sjálftöku afskiptalausa, þá yrði það í annað sinn á einum áratug sem stofnunin horfir aðgerðalaus á eigendur tryggingafélaga tæma bótasjóði sem þeir eiga ekki.

Denni með fyrrum utanríkisráðherra.

Frá fréttaritara í Hafnarfirði:

Steingrímur Bjarni Erlingsson – Denni – hefur vakið athygli í töluverðan tíma. Var nýlega rekinn frá Fáfni, en hann á enn 21% í félaginu. Bjarni Ármanns lét reka hann. Denni var góður í fótbolta og handbolta, lék með FH, gríðarlegt efni, en hætti snemma og fór á sjóinn, og er ævintýramaður með afar stóra drauma og ekki af efnafólki kominn. Hann var líka ungur í hljómsveitinni Foringjarnir, lék á bassa. Hann ólst upp í þessu húsi, Arnarhrauni 20 í Hafnarfirði, á neðstu hæðinni, íbúðinni hægra megin. 

Kántrí-rokkarinn Johnny King treður upp á Texasborgurum við Grandagarð sunnudaginn 13. mars kl. 15. Kóngurinn flytur eigin lög og annarra ásamt gestaspilurum og söngvurum.

Magnús veitingamaður í Texasborgurum segir frábært fyrir fólk að skella sér með vinunum eða fjölskyldunni í sunnudagsbíltúr út á Granda og tékka á Johnny King og Texastilboðum dagsins:

Texas-ostborgari með frönskum og gosi – 1390 kr.
Nautalundaborgari með frönskum, laukstráum og bernaise – 1.690 kr.
Lúxus-humarpítsa með humri, rauðlauk, papriku og hvítlauk – 1.990 kr.

__________________________________________________________

Stefnt er að því að tónleikar verði fastur liður á Texasborgurum síðdegis á sunnudögum. Frítt inn.

Runólfur í FÍB og Urður í FME.

Runólfur Ólafsson, framkvæmdastjóri Félags íslenskra bifreiðaeigenda, sendir Fjármálaeftirlitinu tóninn og segir að þar á bæ skilji menn ekki hlutverk sitt:

Sjá eldri frétt hér!

—

Fjármálaeftirlitið hefur sent frá sér yfirlýsingu vegna gagnrýni FÍB á aðhaldsleysi stofnunarinnar með tryggingafélögunum. Ljóst er að FME skilur ekki í hverju gagnrýnin felst.

FME telur að tryggingafélögin hafi ekki staðið sig sem skyldi við að réttlæta óeðlilegar arðgreiðslur. FME skilur ekki að það er ekkert að réttlæta.

FME skilur ekki að gagnrýnin snýst um andvaraleysi stofnunarinnar þegar kemur að hagsmunum almennings. FME vanrækir þetta hlutverk sitt.

FME ráðleggur tryggingatökum að skipta bara um tryggingafélag ef þeir eru ósáttir við óeðlilegar arðgreiðslur. Þrjú stærstu tryggingafélögin með 90% markaðarins sæta öll gagnrýni fyrir áform um óhóflegar arðgreiðslur. Hverju breytir fyrir viðskiptavin að fara frá einu slíku yfir í það næsta? Ljóst er að FME er ekki í tengslum við raunveruleikann.

Skilningsleysi FME kemur skýrt fram í hvatningu stofnunarinnar til tryggingafélaga um að hækka iðgjöld á sama tíma og þau dæla milljörðum króna út í arðgreiðslum. FME lætur eins og iðgjaldatekjur og fjárfestingatekjur tryggingafélaganna séu óskyldir hlutir. Þetta er rangt. Tryggingafélögin ávaxta fyrirframgreiddu iðgjöldin og þannig verða fjárfestingatekjurnar til. Sú ávöxtun á að vera í þágu viðskiptavina, en ekki bara eigenda félaganna. Samt telur FME þörf á iðgjaldahækkun af því að „tryggingahlutinn“ sé rekinn með tapi þó fjármálahlutinn skili hagnaði, rétt eins og hann sé óskyldur tryggingum. En að sjálfsögðu er heildarafkoman það sem skiptir máli þegar þörfin fyrir hækkun er metin. FME stendur með fyrirtækjunum gegn hagsmunum neytenda þegar það leggur blessun sína yfir iðgjaldahækkun hjá tryggingafélögunum sem taka á sama tíma milljarða króna í arð.

Gagnrýni FÍB og fjölda annarra snýst um að vegna breytinga á reglum um reikningsskil telja tryggingafélögin að þau geti nýtt uppsafnaða bótasjóði í eigin þágu, þar á meðal í óhóflegar arðgreiðslur. Vegna hinna nýju reikningsskila þurfa tryggingafélögin ekki lengur á bótasjóðunum að halda til að eiga fyrir tjónum. Þeim nægir sterk eiginfjárstaða. En það voru viðskiptavinir félaganna sem byggðu þessa sjóði upp með ofteknum iðgjöldum. Sjóðirnir voru ætlaðir til að greiða tjón, þeir voru skuld við tjónþola en ekki ætlaðir í arðgreiðslur.

FME hafnar því að viðskiptavinir tryggingafélaganna eigi bótasjóðina. Þar með eru sjóðirnir eign tryggingafélaganna að mati FME. Þetta gengur gegn skilgreiningu tryggingafélaganna sjálfra. Þau hafa ætíð haldið því fram að bótasjóðirnir séu eign tjónþola, sjóðirnir séu skuld við þá sem eiga eftir að lenda í tjónum. FME þarf að upplýsa hvernig skuld getur fjármagnað arðgreiðslur.

FME segist í yfirlýsingu sinni ekki hafa lagaheimild til að gefa tryggingafélögunum fyrirmæli um ráðstöfun arðs til tryggingatakanna sem byggðu upp bótasjóðina. Hér undirstrikar FME sofandahátt síðustu 6-7 ára, meðan innleiðing nýrra reikningsskila hefur verið í undirbúningi. Fyrir löngu var FME ljóst að tryggingafélögin þyrftu ekki á bótasjóðunum að halda þegar nýju reglurnar, sem kallast Solvency 2, yrðu innleiddar. Þegar árið 2011 uppfylltu öll tryggingafélögin nýju kröfurnar. Þá þegar gat FME farið að vinna með tryggingafélögunum að því að láta þau skila bótasjóðunum til viðskiptavina með því einfaldlega að nýta þá til að greiða tjón. Á móti hefði verið hægt að lækka iðgjöld og þannig hefðu viðskiptavinir tryggingafélaganna fengið sjóðina endurgreidda.

En líkt og fyrri daginn virðast hagsmunir viðskiptavina tryggingafélaganna engu máli skipta fyrir FME, þó svo að stofnunin hafi þá lagaskyldu að gæta þeirra. Þess í stað stendur stofnunin þétt að baki fjármálafyrirtækjum sem mergsjúga almenning í skjóli fáokunar.

FME segist óska FÍB hins besta í hagsmunabaráttu sinni. FÍB er ekki að berjast fyrir sínum hagsmunum, heldur hagsmunum alls almennings í landinu. En ef rétt væri að málum staðið, þá þyrfti FÍB ekki að standa í þessari baráttu. Það er nefnilega FME sem á að gæta hagsmuna almennings gagnvart tryggingafélögunum.

Hrafn Gunnlaugsson kvikmyndaleikstjóri er jafn glöggur á framtíð og fortíð og spáir í væntanlegar forsetakosningar með sínu nefi:

—

Svo segir mér hugur

í hjartaþoli vörðu

að Ólafur Ragnar komi að forsetaframboðinu í blálokin

vegna nýrra “aðstæðna”

eins og það mun heita.

Þjóðólfur í Arðráni í Engjasveit sendir vísu sem hann orti í morgunsárið þegar honum bárust fréttir af málefnum tryggingafélaganna seint um síðir í sveitina. Segir hann vísuna haf hrotið af vörum sér fyrirhafnarlaust:

—

Mér við hugur einatt hrýs,

hrægömmum í augsjá

ekkert skipta mun við VÍS,

né varmenni í Sjóvá.

Margir eru á miðunum í Karolina Fund og dorga þar eftir peningum upp á von og óvön.

Þarna eru Reykjavíkurdætur að safna fyrir fyrstu plötu sinni með völdu efni og nýju, stefna á 5.ooo pund og eru þegar komnar 35 prósent áleiðis. Búast má við kippi í karolinavökinni eftir fræga frammistöðu þeirra í sjónvarpsþætti Gísla Marteins fyrir skemmstu þar sem þeir skemmtu og hneyksluðu um leið.

Þarna er líka Herbert Guðmundsson að ná upp í kostnað við heimildarmynd um sjálfan sig. Hann vil 8.000 pund og búinn að ná tæpum 5.000.

Jóhann Ásmundsson, næstum heimsfrægur bassaleikari Mezzoforte, safnar fyrir fyrstu sólóplötunni og þarna eru 10.000 pund í húfi. Jóhann er búinn að fá 63 prósent af því.

Svo er að bíða og sjá til. Margir dagar eftir og þeir kannski góðir.

Miðvikudaginn 16.mars kl 20 verður styrktarsýning á heimildaverkinu Flóð eftir Hrafnhildi Hagalín og Björn Thors. Allur ágóði rennur til Katrínar Bjarkar Guðjónsdóttur, 23 ára íbúa á Flateyri sem hefur átt við alvarleg veikindi að stríða síðan síðastliðið sumar.

Katrín Björk Guðjónsdóttir var tveggja og hálfs árs þegar snjóflóðið féll á Flateyri 1995, en bjargaðist með undraverðum hætti ásamt fjölskyldu sinni. Hún er ein af þeim sem Björn og Hrafnhildur ræddu við í tengslum við vinnuna við Flóð og kemur saga hennar að hluta fram í verkinu.

Síðastliðið sumar fékk Katrín heilablóðfall, annað á skömmum tíma og við tók löng og ströng endurhæfing. Fjölskylda Katrínar hefur verið henni stoð og stytta og hafa því verið mikið frá vinnu. Leikhópur og aðstandendur Flóðs vilja því leggja þeim lið með styrktarsýningu þar sem allur ágóði rennur til Katrínar.

—

Um verkið; Árið 1995 féll stórt snjóflóð á bæinn Flateyri á Vestfjörðum. Flóð er heimildaverk byggt á þessum atburðum. Á síðasta ári voru 20 ár liðin frá því að flóðið féll og vill Borgarleikhúsið minnast atburðanna sem mörkuðu djúp spor í þjóðarsálina á sínum tíma.
Þátttakendur í sýningunni rannsaka og rifja upp atburði, spyrja spurninga og raða saman brotum frá þessari örlagaríku nótt 26. október árið 1995. Verkið er byggt á nýlegum viðtölum við Flateyringa og unnið í nánu samstarfi við þá. 


Margir hafa reynt en þarna tókst það og þurfti Spánverja til að fanga andblæ miðborgar Reykjavíkur með þeirri áferð sem allir þekkja sem þar hafa verið.

Néstor og Ásgrímur

Spænski kvikmyndatökumaðurinn Néstor Calvo var skólabróður kvikmyndasérfræðingsins Ásgríms Sverrissonar í kvikmyndaskóla í London fyrir 20 árum og nú leiða þeir hesta sína saman í fyrstu kvikmynd Ásgríms, Reykjavík, sem frumsýnd var í gær fyrir fullu Háskólabíói.

Ekki var ausið fjármagni úr opinberum sjóðum í þessa mynd en allir leggjast á eitt fyrir lítið fé og þarna fá áhorfendur í það minnsta eitthvað fyrir sinn snúð í stórkostlegri kvikmynd þó einföld sé. Skólabræðurnir Calvo og Sverrisson búa til konfekt úr lofti.

Og leikararnir:

Nanna Kristín Magnúsdóttir er með kvikmyndalúkk á heimsmælikvarða, dálítið frönsk til augnanna en þó ljós.

Atli Rafn nær hinni ófullnægðu miðaldragelgju svo unun er að fylgjast með.

Guðmundur Þorvaldsson er litli töffarinn sem blundar í flestum og Gríma Kristjánsdóttir svo innilega sæt í sínu fyrsta skrefi á tjaldinu.

Svo ekki sé minnst á alla hina.

Og tónlistin:

Leikandi léttur píanódjass eftir Sunnu Gunnlaugs sem eins og bergmálar í malbikinu ofan af Skólavörðuholti og út á Granda.

Í Reykjavík Ásgríms Sverrissonar er einhver sérstök birta sem ekki hefur sést í öðrum Reykjavíkurmyndum, tærari, mildari og það verður jafnvel bjart á Ölstofu Kormáks og Skjaldar þegar þessar reykvísku pesónur skella í sig drykk til að gleyma – lífinu í Reykjavík.

101 stjarna fyrir svona léttan miðbæjarblús.

Fréttir herma að Bryndís Hlöðversdóttir ríkissáttasemjari og fyrrum háskólarektor á Bifröst íhugi forsetaframboð vegna fjölda áskorana.

Áður hefur ríkissáttasemjari og háskólarektor boðið sig fram til forseta; Guðlaugur heitinn Þorvaldsson, í forsetakosningunum 1980.

Guðlaugur rétt tapaði þá fyrir Vigdísi Finnbogadóttur, fékk 32,3 prósent atkvæða á móti 33,8 prósentum Vigdísar.

Forsetaframbjóðendur 1980: Vigdís Finnbogadóttir, Guðlaugur Þorvaldsson, Pétur Thorsteinsson og Albert Guðmundsson.

Vettvangur viðskiptanna. Verið er að kaupa upp húsið til vinstri af hótelhöldurum í byggingunni til hægri.

Uppkaup á íbúðum í miðbæ Reykjavíkur til hótelreksturs heldur áfram. Nú síðast hefur fjárfestingafélagið Gamma keypt tvær hæðir í stórhýsi við Óðinstorg, gegnt Hótel Óðninsvé, en Gammar reka það hótel.

Eftir stendur þá í uppkeyptu húseigninni kaffihús á jarðhæð og íbúðin á efstu hæð þar sem hjón á besta aldri búa og eru ekkert á förum. Þau hafa orðið vör við umtalsverðan áhuga Gamma á íbúðinni og eftirleikurinn spurning um verð.

Hugmyndin með kaupunum er að nýta umrædda byggingu sem viðbót við hótelið.

Fjárfestingafélagið Gamma á og rekur nokkrar fasteignir í miðbænum og ber ekki að rugla saman við GMA management, fjármálaveldið í Túngötu, sem einnig gengur undir nafninu Gamma svona dags daglega.

mynd/grapevine

Hér áður fyrr voru kínverjar bannaðir á gamlárskvöld en það voru hvellbombur frá Kína sem sprungu með miklum hávaða sem gat skaðað heyrn.

Nú í hvassviðrinu hefur  orðatiltækið “Kínverjar bannaðir” fengið nýja merkingu og er þá átt við kínverska ferðamenn í Reykjavík sem ættu ekki að vera á ferli utandyra í rokinu því samkvæmt óstaðfestum fréttum fuku tveir Kínverjar út í Reykjavíkurtjörn skömmu eftir hádegið og annar á styttu Jónsar Hallgrímssonar í Hljómskálagarði og meiddist sá á hendi.

“Þeir eru svo léttir,” sagði sjónarvottur.

Rithöfundurinn Ármann Reynisson og myndlistarmaðurinn Jón Óskar tóku trommusóló á myndlistarsýningu þess síðarnefnda í galleríinu Anarkía í Hamraborg í Kópavogi um helgina.

Ekki mátti á milli sjá hvor var betri.

Lúðvík Geirsson, fyrrum bæjarstjóri í Hafnarfirði, alþingismaður og formaður Blaðmannafélags Íslands vill verða hafnarstjóri í sínum gamla heimabæ.

Lúðvík er meðal 23 umsækjenda um starfið – og hér eru þeir allir:

Fössari, slanguryrði fyrir föstudag, var kjörið besta nýyrðið á liðnu ári. Nú er annað orð að ryðja sér til rúms: Fossari – og þýðir forsetaframbjóðandi.

—

Samkvæmt traustum heimildum er staðan þessi:

Rithöfundurinn og náttúruverndarsinninn Andri Snær Magnason hefur ákveðið að láta slag standa og bjóða sig fram. Skiptir þar ekki minnstu vís stuðningur stórstjörnunnar Bjarkar Guðmundsdóttur sem hvetur hann til dáða.

Guðrún Nordal, forstöðuumaður Árnastofnunar og dóttir Jóhannesar fyrrum seðlabankastjóra Íslands um áratugaskeið, er einnig svo gott sem klár en ákveðið mun hafa verið á fjölskyldufundi hjá Nordölunum að Guðrún skyldi fram en systir hennar, Salvör, hinkra við á hliðarlínunni þar til seinna.

Þá er rithöfundurin og Sony-forstjórinn Ólafur Jóhann Ólafsson orðinn sjóðheitur í New York þó ekki væri nema vegna stöðugs þrýstings bogaralegra afla sem sjá í honum von.