Þrívegis í dag var gerð tölvuárás á vefinn erikurjonsson.is með þeim afleiðingum að hann datt út svo klukkustundum skipti.
Skýringar tölvumanns voru einfaldar: “Það eru rússneskar vélar að hrella þig.”
Hvað þýðir það?
Jú, víða um heim starfa tölvuþrjótar við það að brjótast inn í stjórnkerfi vefja og nota til þess maskínur sem vinna líkt og myllur við að finna leið til inngöngu – snúast og snúast.
Von þrjótanna er að komast í upplýsingar sem gagnast gætu þeim fjárhagslega en sú er ekki raunin þegar eirikurjonsson.is er annars vegar. Þar er engin gullkista.
Lesendur síðunnar eru beðnir afsökunar á þessari truflun í dag og unnið er að því að koma vefnum í öruggara rafrænt skjól en verið hefur.